Хөвсгөл нутгийн гоё зурагнууд байна.

гоё зураг.

Ганзориг ахын авсан зураг байна.

Байнга л хараад баймаар зураг.

Сүхбаатар онгоц

Эрх амьтан байна даа

Шинэ-Идэрийн нутаг

Зүүн нуур

Энэ зургуудыг нэг группээс татаж авлаа. Сайхан зургууд байна. Баярлалаа.

Хийморийн морь

90 жилийн бүтээн байгуулалт.

Миний нутгийн бараа

миний нутгийн бараа гээд энэ нэвтрүүлгийн нэгдүгээр хэсэгт манай сургуулийн тухай гарч байна, даанч линк нь орж ирэхгүй юмаа.

Нутаг амьтай нийслэлийнхэн

Ач хариад Чимэдцэрэнгийн Батсайхан

ХААН БАНК-ны баруун бүсийн салбарын захирал

Хөвсгөл аймгийн Шинэ-Идэр сумын нутаг Зүүн хоолойн Ар толгойн бэл хэмээх газар 1967 онд таван хүүхэдтэй айлын гурав дахь хүү  нь болон мэндэлжээ. Бага насандаа ясли, цэцэрлэгт хүмүүжиж сумынхаа бүрэн дунд сургуулийн 1-р ангид 1975 онд элсэн орж 1978-1985 онуудад Мөрөн хотын 2-р бүрэн дунд сургууль, Цагаан-Уул сумын бүрэн дунд сургуулиудад тус тус суралцаж төгссөн. Мөн 1987 онд одоогийн СЭЗДС, 1994 онд МУИС-ийг нябо эдийн засагч мэргэжлээр, 2000 онд Засгийн газрын хэрэгжүүлэгч агентлаг Удирдлагын академийг бизнесийн удирлагын арга зүйч менежер мэргэжлээр төгссөн. 2001 онд эдийн засгийн магистр зэрэг хамгаалсан.

Сургуулиа төгсөж аймагтаа ирээд төрөлх сумынхаа Жаргалын зам нэгдэлд туслах нябо хийж байгаад 1989 оноос Мөрөн хотод шилжин ирж аймгийн АДХГ захиргааны Хөдөө аж ахуйн удирдах газарт хянан шалгагч, балансын ерөнхий нягтлан бодогч, ХААН биржид ерөнхий нягтлан бодогч, аймгийн татварын хэлтэст давхар хяналтын улсын байцаагч зэрэг ажлыг хашиж байв.

1994 оноос одоогийн ХААН банкинд Хөвсгөл салбарт хянагч, нягтлан бодогч, дэд хянан шалгагч, ахлах эдийн засагчаар ажиллаж байгаад 2001 оноос хойш одоог хүртэл төв ХААН банкинд дотоод хяналтын газрын захирал, баруун бүсийн иргэдийн банкны захирлаар тус тус ажиллаж байна.

Ажил амьдралынхаа 20 гаран жилийг улс орныхоо хөгжилд хувь нэмрээ оруулж банк санхүүгийн системд олон жил тууштай, тогтвортой ажиллаж үе үеийн хамт олон та бүхнийхээ хамтын итгэл зүтгэлээр төр засгийн дээд шагнал “Алтан гадас одон” “Хөдөлмөрийн гавъяаны улаан тугийн одон” болон бусад ойн медалиуд, банк санхүүгийн тэргүүний ажилтан цол тэмдгээр шагнагдсан.[1]

---

[1] Хүн нутагтай нутаг сүлдтэй- хуудас 204

Нутаг амьтай нийслэлийнхэн

Лхагвасүрэнгийн Нарантуяа

Баяннуур багийн уугуул

Нутгийн зөвлөлийн тэргүүлэгч, Нийслэлийн Иргэдийн Төлөөлөгчдийн хурлын гишүүн, Нийслэлийн хөрөнгө оруулалтын газрын дарга

Мөрөн хотод 1973 онд төрсөн. Мөрөн хотын 10 жилийн сургуулийг 1991 онд төгссөн. 1997 онд Монгол Улсын Их Сургуулийн Эдийн засгийн дээд сургуулийг нягтлан бодогч мэргэжлээр төгссөн. 2003-2005 онд БНСУ-ын Хандоны их сургууль, 2004 онд улс төрийн дээд сургуулийг төгссөн. Эдийн засагч, нягтлан бодогч, улс төр судлаач мэргэжилтэй. Бизнесийн удирдлагын магистр зэрэгтэй.

1996 оноос Голомт банкны нягтлан бодогч, салбарын захирал, хэлтсийн захирал 2012 оноос Нийслэлийн хөрөнгө оруулалтын газрын даргаар ажиллаж байна.[1]

---

[1] Хун нутагтай нутаг сүлдтэй- хуудас 206

Нутаг амьтай нийслэлийнхэн

Бираагийн Цацралт-Од

Анагаах ухааны доктор

1973 онд төрсөн Сангийн далай багийн уугуул, Анагаах Ухааны Хүрээлэнгийн Эрдэмтэн нарийн бичгийн дарга, Монголын Элэгний Эмгэг Судлалын Холбооны гүйцэтгэх захирал

Хөвсгөл аймгийн Шинэ-Идэр сумын 10 жилийн дунд сургуулийг 1990 онд төгссөн. Анагаах Ухааны Их Сургуулийг 1997 онд төгсөж хүний их эмчийн мэргэжил эзэмшсэн.

Анагаах Ухааны Их Сургуульд 1999 онд магистрын зэрэг хамгаалсан ба 2004-2008 онд Япон улсын Жичигийн Анагаах Ухааны Их Сургуульд суралцсан. 1997-2009 онуудад ЭМШУИС-д багш, 2009-2013 онуудад ХӨСҮТ-ийн эрдэм шинжилгээ, сургалт, гадаад харилцаа эрхэлсэн дэд захирал, 2014 оноос одоо хүртэл Анагаах Ухааны Хүрээлэнгийн Эрдэмтэн нарийн бичгийн даргаар ажиллаж байна.

1.      Вирүс судлалын тулгамдсан асуудлууд үндэсний бага хуралд илтгэл хэлэлцүүлэн тэргүүн байр – 2004 он

2.      Монголын Анагаахын залуу судлаачдын анхдугаар хуралд илтгэл хэлэлцүүлэн тэргүүн байр- 2004 он

3.      ЭНЭШТ-ийн Бага хуралд тэргүүн байр, 2006 он

4.      APASL-2007 Олон улсын хуралд илтгэл хэлэлцүүлэн тусгай шагнал – 2007 он KYOTO хот

5.      Хүрэл тогоот 2008 оны Анагаахын салбарын хуралд илтгэл хэлэлцүүлэн тэргүүн байр, БСШУЯ-ны сайдын грантын батламж авсан.

6.      БШСУЯ-ны жуух бичиг- 2009 он

7.      Хөвсгөл аймгийн Хөх сувд- Шилдэг эрдэмтэн 2011 он

8.      Монголын Топ 100 залуу – 2012 он

9.      БШУС-ын нэрэмжит залуу докторын грантыг 2013 онд хүртсэн.

Анагаар ухааны доктор цолыг Япон улсын Жичигийн Анагаах Ухааны Их Сургуулийн элэгний вирүс судлалын тэнхимд профессор Н.Окамотагийн удирдлагаар Монголын хүн амын дундах элэгний А, Б, С, Д, Е вирүсын тархалт генотипын бүрдэл сэдвээр 2008 онд хамгаалсан. Тэрээр олон улсын нэр хүнд бүхий сэтгүүлд Монголын хүн амын дундах элэгний вирусын тархалт, гений бүрдэл зэрэг сэдвээр нийтдээ  10 гаруй өгүүлэл нийтлүүлсэн байна.[1]

---

[1] Хүн нутагтай нутаг сүлдтэй- хуудас 196

Нутаг амьтай нийслэлийнхэн

Батбаярын Ганзориг

Монголын анхны Сагсан бөмбөгийн олон улсын шүүгч

Шинэ-Идэр суманд 1984 онд төрсөн. Шинэ-Идэр сумын 10 жилийн сургуульд 1992-2001 онд, Далай ван ерөнхий боловсролын сургуульд 2001-2002 онд суралцаж төгссөн.

2002-2006 онд Улаанбаатар хотод Монгол Улсын Боловсролын Их сургуульд суралцаж биеийн тамирын багш дасгалжуулагч мэргэжил эзэмшжээ.

2006-2007 онд Солонгос улсад сагсан бөмбөгийн шүүгчийн мэргэжил дээшлүүлсэн. 2012 онд Япон улсад болсон шүүгчийн сургалтанд хамрагдан тэнцэж, Сагсан бөмбөгийн олон улсын шүүгч болсон. 2007 оноос одоог хүртэл 8 дахь жилдээ ШУТИС-д биеийн тамирын Ахлах багшаар ажиллаж байна. 2009 онд боловсрол судлалын магистрын зэрэг хамгаалсан. Монголын сагсан бөмбөгийн холбооны анхны олон улсын шүүгч болсон. БНСУ-д болсон Зүүн азийн тэмцээн, Оросын Казан хотод болсон Оюутны дэлхийн Универсиад наадамд шүүгчээр тус тус ажилласан. 2006 онд Оюутны алдар хүндэт медаль, 2010 онд спортын тэргүүний ажилтан тэмдгээр, биеийн тамирын 50, 60 жилийн ойн хүндэт медалиар, 2012 онд сагсан бөмбөгийн холбооны 50 жилийн ойн хүндэт медалиар, 2014 онд тэргүүний залуу алтан медалиар тус тус шагнагджээ.[1]

---

[1] Хүн нутагтай нутаг сүлдтэй- 208